Charlas

Guillermo Díaz Camacho é investigador no grupo de computación cuántica do CESGA (Centro de Supercomputación de Galicia), en Santiago de Compostela.

O seu traballo consiste en poñer a proba ordenadores cuánticos reais: medir que saben facer ben, onde fallan e como conectalos cos superordenadores que xa utilizamos hoxe, para que empresas e investigadores poidan aproveitalos en problemas concretos.

Traballa con QMIO, o ordenador cuántico de Galicia, e participa en QEX, un proxecto europeo que achega a computación cuántica á ciencia e á industria

Para que serve hoxe un ordenador cuántico?

O CESGA opera QMIO, o ordenador cuántico de Galicia, e participa en QEX, un centro europeo de excelencia que conecta a industria coa ciencia e ofrece acceso a ordenadores cuánticos de toda Europa.

A través de exemplos reais traballados no CESGA —desde problemas de optimización para empresas galegas ata a reconstrución de traxectorias de partículas no CERN— veremos que problemas concretos pode resolver hoxe esta tecnoloxía e cales aínda non.