Charlas
Nos seus pés, ou como unha idea se constrúe compartindo
Mar Benavides (O Grove, 1997), coordinadora do festival solidario para persoas desprazadas Nos seus pés no Grove, compartirá no Maker Faire a experiencia de construír proxectos colectivos desde as redes veciñais, a colaboración e o apoio mutuo.
Na súa intervención falará de como iniciativas deste tipo conseguen saír adiante grazas á implicación da comunidade e de como, moitas veces, a creatividade aparece precisamente como resposta á falta de recursos, converténdose nun motor para buscar solucións colectivas, sostibles e imaxinativas.
Ademais de presentar o percorrido do festival, a charla abrirá unha reflexión sobre a importancia da diversión, dos coidados e das relacións humanas dentro dos procesos colaborativos, así como sobre a maneira na que a vida persoal das persoas participantes inflúe inevitablemente na evolución, nos ritmos e na identidade dun proxecto compartido.
Todos los derechos reservados. Maker Faire Galicia, 2026
