Charlas

“Son físico e cofundador de Neutron Insights, unha pequena spin-off galega que leva tecnoloxías desenvolvidas na investigación en física de partículas e nuclear a aplicacións industriais e ambientais. 

Durante máis de vinte anos traballei en investigación, instrumentación científica e transferencia de tecnoloxía, e fun responsable de Innovación e Transferencia no IGFAE. E neste 2026 decidín ir un pouco máis aló: deixar a universidade e dedicarme plenamente a construír Neutron Insights.

Hoxe combino ciencia, tecnoloxía e emprendemento, tentando converter boas ideas de laboratorio en solucións que poidan ter un impacto real.”

“Que fai alguén coma min cando leva máis de vinte anos investigando e descobre que o que máis lle interesa xa non é só facer ciencia, senón conseguir que esa ciencia chegue ao mundo real?

Contareivos o camiño que me levou da investigación en física nuclear e de partículas ao emprendemento, desde os primeiros proxectos de instrumentación e transferencia de tecnoloxía ata a creación de Neutron Insights, onde desenvolvemos tecnoloxías baseadas en detectores de radiación para aplicacións industriais, ambientais ou de seguridade.

E falareivos tamén da parte menos visible de emprender: aprender a vender unha idea, entender o que realmente necesita un cliente, equivocarse, buscar financiamento, montar un equipo e descubrir que construír unha empresa se parece moito menos ao que un científico imaxina do que podería parecer.

Unha pequena historia sobre ciencia, curiosidade e ganas de probar cousas novas, pero tamén sobre dar o saltos incertos e aprender polo camiño.”