Proyectos

Voga-Voga é un proxecto innovador impulsado pola asociación Misela xunto coas persoas usuarias do seu Centro Ocupacional, que combina inclusión social e coidado ambiental mediante a economía circular. Dirixido a persoas con discapacidade intelectual ou mixta maiores de 16 anos, promove a súa participación activa en limpezas de praias e a transformación de residuos plásticos en novos produtos útiles para o entorno mariñeiro (como agullas de redeiras ou cintos para mariscadoras), empregando tecnoloxías de prototipado como destructoras, inxectoras e extrusoras. Ademais de crear oportunidades sociolaborais, o proxecto achega valor á Comunidade Maker ao fomentar a experimentación con plásticos reciclados, impulsar a sostibilidade e facilitar o intercambio de coñecementos a través de obradoiros e colaboracións.